افغانستان ، امریکی ڈرون پہاڑ سے ٹکرا کر تباہ ہو گیا

27 جون 2014 (22:49)

کابل (مانیٹرنگ ڈیسک) تباہی کی علامت سمجھا جانیوالا ڈرون طیارہ خود تباہی کا شکار ہوگیا۔ غیر ملکی خبر رساں ادارے کے مطابق ، افغانستان کے صوبہ بامیان کے ضلع شیبار میں ایک امریکی ڈرون طیارہ گر کر تباہ ہوگیا،حکام کا کہنا ہے کہ گرنے کے بعد ڈرون مکمل طور پر تباہ ہوگیا اور ہر طرف اس کے ٹکرے بکھر گئے۔ عینی شاہدین  کا کہنا ہے کہ ڈرون گرنے سے پہلے پہاڑ سے ٹکرایا تھا۔ امریکہ یا نیٹو حکام کی جانب سے ڈرون طیارے کے حوالے سے کوئی تبصرہ سامنے نہیں آیا۔ حکام کا کہنا ہے کہ ڈرون طیارے کو طالبان کی جانب سے نشانہ بنائے جانے کا امکان نہیں۔